Neil McEvoy yn defnyddio Deddf Llywodraeth Cymru i fynnu cyhoeddi’r ymchwiliad i’r modd y rhyddhawyd gwybodaeth am ad-drefnu swydd Carl Sargeant

Mae Neil McEvoy AC wedi cyflwyno cynnig swyddogol i Gynulliad Cenedlaethol Cymru, yn galw ar Ysgrifennydd Parhaol Llywodraeth Cymru i ryddhau adroddiad yr ymchwiliad i’r posibilrwydd fod gwybodaeth wedi ei ryddhau yn ystod ad-drefnu’r Gweinidogion ym mis Tachwedd 2017. Canlyniad yr ad-drefnu oedd i’r cyn-Ysgrifennydd Cabinet, Carl Sargeant, golli ei swydd.

Darllenwch fwy
Rhannu

A FYDD JOSHUA YN RHOI HWB I BAFFIO YNG NGHYMRU ?

Neil McEvoy AC, Cadeirydd y Grwp Trawsbleidiol ar Baffio gyda'r Arglwydd Dafydd Elis-Thomas AC, y Gweinidog dros Ddiwylliant Chwaraeon a Thwristiaeth

Rhoi Hwb i Baffio yng Nghymru: Neil McEvoy AC, Cadeirydd y Grwp Trawsbleidiol ar Baffio gyda'r Arglwydd Dafydd Elis-Thomas AC, y Gweinidog dros Ddiwylliant Chwaraeon a Thwristiaeth

A FYDD JOSHUA YN RHOI HWB I BAFFIO YNG NGHYMRU ?

MAE'R DIDDORDEB ysol yn y gornestau rhwng Anthony Joshua a’i wrthwynebwyr am deitlau paffio rhyngwladol sy’n digwydd yng Nghaerdydd yn cynyddu atyniad paffio, ond fe all y bydd yn herio holl adnoddau Clybiau Paffio Amatur Cymru, yn ôl Neil McEvoy AC.

Medd Neil McEvoy AC “Dyma gyfle dihafal i Gymru elwa ar waith dygn ac ymroddgar rhwydwaith clybiau paffio amatur Cymru gyfan, sydd wedi cyflawni cymaint i weddnewid bywydau ifainc er gwell.

“Mae Cymru wastad wedi rhagori o ran ansawdd ein paffwyr, ond nawr mae’n rhaid i ni  sicrhau bod y diddordeb mae gornestau Joshua wedi'i sbarduno yn gadael paffio yng Nghymru ar ei fantais am flynyddoedd eto.”

Bydd ail ornest Anthony Joshua yn ne Cymru yn rhoi ei deitlau WBA ac IBF yn y pair gyda theitl WBO Joseph Parker ar Mawrth y 31ain yn Stadiwm y Mileniwm, Caerdydd tra bydd miliynau eraill yn gwylio o bedwar ban y byd.

Cwta deng niwrnod cyn ymgiprys Joshua a Joseph Parker am bencampwriaeth gyfunol pwysau trymion y byd, daw’r Grŵp Trawsbleidiol ar Baffio ynghyd ym Mae Caerdydd dan nawdd Neil McEvoy AC, i drafod dyfodol Paffio Amatur yng Nghymru.

Mae cyfarfodydd y  Grŵp Trawsbleidiol ar Baffio (Dydd Mercher, Mawrth 21ain 2018, am 6.30 ar gyfer 7-8pm yn Ystafell Pwyllgor 5, Tŷ Hywel, Bae Caerdydd) yn agored ac am ddim i’r cyhoedd, ond mae’n ofynnol i archebu lle ymlaen llaw ar y dudalen hon yn Eventbrite.co.uk:


Archebwch YMA ar Eventbrite (ffenestr newydd)

Darllenwch fwy
Rhannu

Pleidleisio o Blaid Democratiaeth Cymru

Coral Hill o Ysgol Uwchradd Willows yn cwrdd â'r Aelod Cynulliad dros Ganol De Cymru, Neil McEvoy

CROESAWU'R GENHEDLAETH NESAF I DDEMOCRATIAETH CYMRU

MAE CYFLWYNO'R GENHEDLAETH NESAF i waith y Cynulliad a'i aelodau etholedig yn hanfodol i sicrhau dyfodol iach i ddemocratiaeth Cymru, medd Aelod Cynulliad Canol De Cymru, Neil McEvoy.

Daeth Coral Hill, disgybl yn Ysgol Uwchradd Willows, Caerdydd ar ymweliad â'r Senedd i ganfod mwy am waith aelodau'r Cynulliad, ar gyfer ei gwaith ysgol wrth studio am BAC Cymru. Dewisodd Coral ymchwilio ar gyfer traethawd ar gynlluniau i bobl ifainc gael yr hawl i belidleisio yn etholiadau'r Cynulliad yn y dyfodol, o oed 16 mlwydd ymlaen.

Meddai Neil McEvoy, "Roeddwn yn falch iawn i gyfarfod â Coral ac ateb ei chwestiynau fel darpar bleidleisiwr sydd mor ddeallus a gwybodus.  Mae'n hanfodol ein bod yn rhoi pob cyfle i'n pobl ifainc ni i drwytho eu hunain yn ein democratiaeth, a dysgu sut rydym yn mynd i'r afael â materion fydd yn effeithio'n uniongyrchol er eu dyfodol. 

"Mae'n dda iawn gen i allu cwrdd â disgyblion o Ganol De Cymru yn eu hysgolion neu yn y Senedd, a siarad am y ffyrdd rydym yn ymdrechu i sicrhau bod Cymru'r dyfodol yn lle gwell i weithio ac i fyw."

Darllenwch fwy
Rhannu

LLWYDDO I WNEUD Y ‘PETHAU BYCHAIN’ DROS GYMRU

 

David Petersen Arweinydd yr Orymdaith yn dal trwmped

Bydd staff NEIL MEVOY AC yn mwynhau diwrnod o wyliau ar Ddydd Gŵyl Dewi i ddathlu Cymru ac i gymryd y cyfle, ys dywedodd Dewi Sant, i ‘wneud y pethau bychain’.

“Dwi’n galw ar gyflogwyr Cymru, hyd y mae modd iddynt, i gynnig diwrnod o wyliau i’w staff ar Dydd Gŵyl Dewi. Gadewch i ni ddathlu Cymru a phopeth sy’n dda am fyw yn y wlad a’r genedl hon. Dyma ddiwrnod sy’n dod â ni at ein gilydd i ddathlu y gorau o Gymru ac sy’n gallu cael ei rhannu gan bobl o bob ffydd a chefndir ynghyd" meddai Neil McEvoy AC

Bydd Neil McEvoy AC ei hun yn ymuno â Gorymdaith Genedlaethol Gŵyl Dewi (01/03/2018) yng Nghaerdydd sy'n cychwyn am 12.30 yh o Neuadd y Ddinas, King Edward VII Avenue, gan fynd ar hyd Heol y Frenhines yn gyntaf cyn gorffen yn Yr Ais:

http://www.gwyldewi.org

 

Darllenwch fwy
Rhannu

Grŵp Trawsbleidiol ar BAFFIO Mawrth 21ain 2018

Cysgodlun o Baffwyr yn ymarfer

Cynhelir cyfarfod nesaf y Grŵp Trawsbleidiol ar Baffio ar Ddydd Mercher, Mawrth 21ain 2018, am 6.30 ar gyfer 7-8pm (gadewch ddigon o amser ar gyfer yr archwiliad diogelwch wrth gyrraedd), yn Ystafell Pwyllgor 5, Tŷ Hywel, Bae Caerdydd CF99 1NA.

Ein Gwestai Arbennig fydd y Gweinidog Diwylliant, Twristiaeth a Chwaraeon, Yr Arglwydd Dafydd Elis-Thomas AC

I Archebu (mae llefydd yn brin, felly rhaid archebu) cliciwch yma (sy'n agor ffenestr newydd yn Eventbrite): 

Tocynnau i'r GT ar BAFFIO

 

Darllenwch fwy
Rhannu

Beth sydd ynghudd yn llaid Hinkley?

Golygfa o'r mor dros y llad at ordaf bwer niwcliar Hinkley (h/c) Reading Tom

Beth sydd ynghudd yn llaid Hinkley?

Codwyd amheuon o’r newydd yng nghyfarfod briffio wythnosol Neil McEvoy AC i’r wasg (13/02/2018) am brofion a wnaed am ymbelydredd yn y llaid y bwriada’r cwmni ynni EDF ddympio yn nyfroedd glannau Caerdydd yr haf hwn.

Gwahoddodd Neil McEvoy AC yr ymchwilwyr annibynnol Dr Chris Busby, Tim Deere-Jones a Richard Bramhall i gyflwyno tystiolaeth newydd yn ei gyfarfod briffio wythnosol i’r cyfryngau Cymreig yn y Cynulliad. Yr oeddent yn lleisio pryderon y dylai canfyddiadau blaenorol o ronynnau ymbelydrol yn llaid afonydd ger pwerdai niwclear Hinkley a Sellafield fod wedi eu cyfatebu mewn data i dibynnwyd arnynt i gyhoeddi trwydded EDF i ollwng, ond ni ddigwyddodd hyn.

Yr oeddent yn honni bod hyn yn awgrymu’n gryf fod tystiolaeth bwysig wedi ei golli, ei anwybyddu neu o bosib ei adael allan, gyda phrofion diweddar yn gyfyngedig eu cwmpas ac yn methu darganfod y ‘gronynnau poeth’ o blwtoniwm, wraniwm a niwclidau eraill a all adael gwaddol o effeithiau peryglus. Dywedasant fod y set gyfyngedig o’r samplau mwyaf diweddar wedi eu dinistrio ac nad oes modd ail-gynnal y profion.

Gwnaeth y ddau alwad ar gymhwyso’r egwyddor rhagofal sydd yn cael ei gydnabod yn rhyngwladol – oherwydd bod risg bosib anhysbys neu ragfynegadwy o waddod ar ollyngfa cyfleuster niwclear lle mae lefelau gronynnau ymbelydrol wedi cynyddu, rhaid cynnal profion digonol ar y llaid cyn i EDF symud 300,000 tunnell i’w dympio mewn dŵr sydd ond 2.8 km o bellter o Gaerdydd.

Dywedodd Neil McEvoy AC “Dwyf i ddim mewn sefyllfa i allu cadarnhau’r canfyddiadau hyn, ond rwy’n credu eu bod yn codi cwestiynau sydd, er i mi ddwyn pwysau ar y cyrff perthnasol a’r llywodraeth Lafur yn y Cynulliad dro ar ôl tro, heb  eu hateb o hyd. Os yw’r atebion ar gael, dylid eu gwneud yn gyhoeddus – os nad ydynt, yna ni ddylai’r dympio ddigwydd, hyd nes y cynhelir y profion.

“Mae costau’r profion yn ddibwys o’u gosod yn erbyn y costau iechyd posib petai’r sicrwydd arwynebol a roddwyd yn wallus. Nid yn unig y bydd iechyd pobl ar hyd arfordir de Cymru, a Chaerdydd yn enwedig, mewn perygl, ond peryglir hefyd fywyd gwyllt mewn lleoliad gwarchodedig sydd o bwys rhyngwladol”.

Darllenwch fwy
Rhannu

Senedd Sofran i Gymru - Awn amdani!

F'ymateb i gynigion cyllideb ffaeledig Llafur.

Senedd sofran i Gymru, sy'n deddfu ym mhob mater ar gyfer pawb yng Nghymru.

Awn #AMDANI !

 

Rhannu

Cwrdiaid Affrîn Dan Ymosodiad

Mae'n rhyfedd a chreulon o fyd...

Pam nad yw Llywodraeth Llafur yn barod i gondemnio'r ymosodiadau milain ar Gwrdiaid Affrîn a'u cyd-ymladdwyr, yng Ngogledd Syria?

Wedi'r cyfan, y Cwrdiaid sydd wedi bod yn gyrru ISIS o'r wlad a nhw yw cynghreiriaid cynefin Cymru yn y Dwyrain Canol. 

Mae Llafur yn barod iawn ei chydymdeimlad fel plaid at rai sy'n dioddef trais, ond nid pawb. Pam?

Rhannu

Mae Michael O'Brien newydd ymuno â Phlaid Cymru

Roedd Michael O'Brien yn un o driawd a gafodd eu beio ar gam am lofruddiaeth, gan ddioddef unarddeg o flynyddoedd yn y carchar am drosedd roedd yn ddiniwed ohoni.

Mae'n parhau i frwydro dros gyfiawnder i eraill.

Yn ddiweddar fe ymunodd â Phlaid Cymru oherwydd ei fod am weld gwleidyddiaeth glân a diwygio'r drefn. 

Mae pobl eraill yn ymuno gydag e bob dydd.

Darllenwch fwy
Rhannu

Trigolion Rhath yn Ennill Coed-Oediad

Neil McEvoy AC gyda thrigolion y Rhath yn protestio yn erbyn torri coedTRIGOLION Y RHATH YN ANNOG CNC I DDOD AT EU COED

Bydd Cymuned Nant y Rhath yn parhau i brotestio yn erbyn torri degau o goed aeddfed yn Nant y Rhath a Gerddi Melin y Rhath (Caerdydd) gan Gyfoeth Naturiol Cymru (CNC).

Dywedodd Neil McEvoy AC (Aelod Cynulliad Canol De Cymru), ar ôl cyfarfod eto gyda grŵp y trigolion, yn dilyn ail-gychwyn y protestiadau (am 8.00 a.m. ar ddydd Llun Ionawr 8) fod y Gweinidog wedi cytuno i gwrdd â’r ymgyrchwyr (Ionawr 9).

Trydariad Tweet gan @IoloWilliams2

Mae'r naturiaethwr Iolo Williams yn cefnogi trigolion y Rhath wrth amddiffyn eu coed

Darllenwch fwy
Rhannu

Mae hyn yn dechrau gyda chi

Ganddyn nhw mae'r arian, ond gennym ni mae'r bobl. Os yw pawb sy'n ymweld â'r wefan hon yn ymuno â'n symudiad yna does dim na allwn ei gyflawni.

Ymgyrchoedd